Security Scheme

ഉദ്ദേശ ലക്ഷ്യങ്ങൾ :

GLOBAL KMCC സുൽത്താൻ ബത്തേരി നിയോജകമണ്ഡലം കമ്മിറ്റിയുടെ കാരുണ്യ സ്പർശം കുടുംബ സുരക്ഷാ പദ്ധതിയിൽ അംഗമായിരിക്കെ അവിചാരിതമായി കടന്നെത്തുന്ന മരണം കാരണം അനാഥമായി പോകുന്ന മെമ്പർമാരുടെ ആശ്രിതർക്ക് ഒരു കൈത്താങ്ങ് നിയമാവലിയിൽ സൂചിപ്പിച്ചിട്ടുള്ള മാരകമായ രോഗങ്ങൾക്കും ഗുരുതരമായ അപകടങ്ങൾക്കും ചികിത്സാ സഹായം നൽകുക

• GLOBAL KMCC സുൽത്താൻ ബത്തേരി നിയോജകമണ്ഡലം കമ്മിറ്റിയുടെ കാരുണ്യ സ്പർശം കുടുംബ സുരക്ഷാ പദ്ധതിയിൽ അംഗമായിരിക്കെ മരണപ്പെടുന്ന അംഗങ്ങളുടെ കുടുംബത്തിന് ഒരു കൈത്താങ്ങ്
• മാരകമായ രോഗങ്ങൾക്കും ഗുരുതരമായ അപകടങ്ങൾക്കും ചികിത്സാ സഹായം പ്രസ്തുത ഉദ്ദേശ ലക്ഷ്യങ്ങളോട് കൂടി മണ്ഡലം കമ്മിറ്റി 2021 ൽ നടപ്പിൽ വരുത്തിയ സുരക്ഷാ പദ്ധതി വിജയകരമായി രണ്ടാം വർഷത്തിലേക്ക് പ്രവേശിക്കുകയാണ്.

നിയമാവലിയും അനുബന്ധ കാര്യങ്ങളും :

• പദ്ധതിയുടെ നടത്തിപ്പ് :
  സുൽത്താൻ ബത്തേരി നിയോജകമണ്ഡലത്തിലെ വിവിധ പഞ്ചായത്ത്‌ / മുൻസിപ്പൽ ഗ്ലോബൽ കെ.എം.സി.സി കമ്മിറ്റികളുടെ സഹകരണത്തോടെ ഗ്ലോബൽ കെഎംസിസി സുൽത്താൻ ബത്തേരി നിയോജകമണ്ഡലം കമ്മിറ്റിയാണ് ഈ പദ്ധതി നടപ്പിൽ വരുത്തിയിട്ടുള്ളത് .
  
  മണ്ഡലം കമ്മിറ്റിയുടെ കീഴിലുള്ള സുരക്ഷാ സമിതിക്കാണ് ഈ പദ്ധതിയുടെ നടത്തിപ്പ് ചുമതല മണ്ഡലം കമ്മിറ്റി പ്രസിഡന്റ്‌ , ജനറൽ സെക്രട്ടറി , ട്രഷറർ തുടങ്ങിയ 11 അംഗങ്ങൾ ഉൾപ്പെടുന്നതാണ് നിലവിലെ സുരക്ഷാ സമിതി അതാത് വർഷങ്ങളിൽ പുതുതായി തെരെഞ്ഞെടുക്കപ്പെടുന്ന മണ്ഡലം കമ്മിറ്റി പ്രസിഡന്റ്‌, ജനറൽ സെക്രട്ടറി, ട്രഷറർ എന്നിവർ കൂടി സമിതി അംഗങ്ങളായി ഉൾപ്പെടുന്നതാണ്.
  
  അതാത് വർഷങ്ങളിലെ മണ്ഡലം കമ്മിറ്റി പ്രസിഡന്റ്‌ ചെയർമാനും ജനറൽ സെക്രട്ടറി കൺവീനറുമായിട്ടുള്ള സുരക്ഷാ സമിതിയുടെ നേതൃത്വത്തിലാണ് പദ്ധതിയുടെ തുടർ പ്രവർത്തനങ്ങൾ നടപ്പിൽ വരുത്തുന്നതും ആനുകൂല്യങ്ങൾ അനുവദിക്കുന്നതും അതാത് വർഷങ്ങളിൽ സമിതി നിശ്ചയിക്കുന്ന വാർഷിക സംഭാവന അംഗങ്ങളിൽ നിന്ന് സ്വീകരിച്ചുകൊണ്ടാണ് പദ്ധതിയുടെ നടത്തിപ്പിനുള്ള ഫണ്ട് കണ്ടെത്തുന്നത്.
• അംഗത്വം :
  സുൽത്താൻ ബത്തേരി നിയോജകമണ്ഡലത്തിലെ ഗ്ലോബൽ കെഎംസിസിയുടെ മെമ്പർമാർക്ക് മണ്ഡലം കമ്മിറ്റിയുടെ കാരുണ്യ സ്പർശം കുടുംബ സുരക്ഷാ പദ്ധതിയുടെ നിയമാവലി വായിച്ചു ബോധ്യപ്പെട്ടതിന്റെ അടിസ്ഥാനത്തിൽ അതാത് പഞ്ചായത്ത്‌ / മുൻസിപ്പൽ കമ്മിറ്റികൾ ചുമതലപ്പെടുത്തിയ കോഡിനേറ്റർമാർ മുഖേനെയോ മണ്ഡലം കമ്മിറ്റി കോഡിനേറ്റർമാർ മുഖേനെയോ 1250 രൂപ വാർഷിക സംഭാവന നൽകികൊണ്ട് പദ്ധതിയിൽ അംഗത്വത്തിന് അപേക്ഷിക്കാവുന്നതാണ്.
  
  പ്രസ്തുത തുകയിൽ നിന്ന് 1200 രൂപ മണ്ഡലം കമ്മിറ്റിയുടെ സുരക്ഷാ പദ്ധതിയിലേക്കും 50 രൂപ പദ്ധതിയിൽ അംഗങ്ങളെ ചേർത്തുന്ന അതാത് പഞ്ചായത്ത്‌ /മുൻസിപ്പൽ /മണ്ഡലം കമ്മിറ്റികളുടെ ജീവകാരുണ്യ പ്രവർത്തന ഫണ്ടിലേക്കും കൂടി ഉപകരിക്കുന്ന രീതിയിലാണ് 1250 എന്ന സംഖ്യ നിശ്ചയിച്ചിട്ടുള്ളത്.
  
  പദ്ധതിയിൽ ചേരുന്ന അംഗങ്ങൾ പൂർണ്ണ സമ്മതത്തോടെ നൽകുന്ന മേൽ സൂചിപ്പിച്ച സംഭാവനകളിൽ നിന്ന് മാത്രമായിരിക്കും നിയമാവലിയിൽ നിഷ്കർശിക്കുന്ന ഗുണഭോക്താക്കൾക്ക് ആനുകൂല്യങ്ങൾ നൽകുന്നതിനുള്ള ഫണ്ട് കണ്ടെത്തുന്നത്. മണ്ഡലം കമ്മിറ്റിയുടെ അതാത് വർഷത്തെ പദ്ധതിയുമായി ബന്ധപ്പെട്ട ഫോറത്തിലായിരിക്കണം അപേക്ഷ സമർപ്പിക്കേണ്ടത്
• അംഗത്വ കാമ്പയിൻ
  എല്ലാവർഷവും ഏപ്രിൽ 20 ന് ആരംഭിച്ച് അതേ വർഷം ജൂൺ 20 ന് കാമ്പയിൻ അവസാനിക്കുന്നതാണ് പ്രസ്തുത കാലയളവിൽ നിലവിലെ അംഗത്വം പുതുക്കുന്നതിനും പദ്ധതിയിൽ പുതുതായി അംഗത്വം എടുക്കുന്നതിനും അവസരം ഉണ്ടായിരിക്കുന്നതാണ്
• അംഗത്വ കാർഡ്
  സുരക്ഷാ പദ്ധതിയിൽ അംഗത്വം നേടുന്നവർക്ക് ഏതെങ്കിലും തരത്തിലുള്ള കാർഡുകളോ കൂപ്പണുകളോ വിതരണം ചെയ്യുന്നതല്ല. അതേ സമയം മണ്ഡലത്തിന് കീഴിലുള്ള അതാത് പഞ്ചായത്ത്‌ / മുൻസിപ്പൽ കമ്മിറ്റികൾ വഴിയോ മറ്റോ അപേക്ഷയും അനുബന്ധ ഫീസും അടച്ച് അംഗത്വ നടപടികൾ പൂർത്തിയാക്കുകയും പ്രസ്തുത കമ്മിറ്റികൾ അനുബന്ധ രേഖകൾ മണ്ഡലം കമ്മിറ്റി മുഖേനെ സുരക്ഷാ സമിതിക്ക് കൈമാറുകയും ചെയ്ത് കഴിഞ്ഞാൽ ഓരോ അംഗത്തിനും സ്വന്തം "ആധാർ നമ്പറും " മണ്ഡലം GLOBAL KMCC യുടെ "ഐ ഡി നമ്പറും" ഉപയോഗിച്ച് മണ്ഡലം കമ്മിറ്റിയുടെ വെബ്സൈറ്റിൽ നിന്ന് അംഗത്വം പരിശോധിച്ച് ഉറപ്പ് വരുത്താവുന്നതും സ്വന്തം അംഗത്വ കാർഡ് ഡൗൺലോഡ് ചെയ്തെടുക്കാവുന്നതുമാണ്.
  
  പ്രസ്തുത കാർഡ് പദ്ധതിയുടെ അംഗത്വ രേഖയായി പരിഗണിക്കുന്നതുമാണ്.
  
  വാർഷിക സംഭാവന അതാത് പഞ്ചായത്ത്‌ / മുൻസിപ്പൽ കമ്മിറ്റികൾ വഴിയോ മറ്റോ മണ്ഡലം കമ്മിറ്റിയുടെ ട്രസ്റ്റ്‌ അക്കൗണ്ടിൽ നിക്ഷേപിക്കുന്നതോടെ മാത്രമേ അംഗത്വ അപേക്ഷകൾക്ക് സുരക്ഷാ സമിതി അപ്രൂവൽ നൽകി ആക്റ്റീവ് ചെയ്യുകയുള്ളൂ. ആക്റ്റീവ് അല്ലാത്ത അംഗത്വങ്ങൾ യാതൊരു ആനുകൂല്യങ്ങൾക്കും പരിഗണിക്കുന്നതല്ല. ജൂലൈ 1 മുതൽ സ്വന്തം അംഗത്വം മണ്ഡലം ഗ്ലോബൽ കെ.എം.സി.സിയുടെ വെബ്സൈറ്റിൽ നിന്ന് പരിശോധിച്ച് ആക്റ്റീവ് ആണോ അല്ലയോ എന്ന് അംഗങ്ങൾ ഉറപ്പ് വരുത്തേണ്ടതാണ്.
• അംഗത്വ പുനഃപരിശോധന
  ഗ്ലോബൽ കെഎംസിസി സുൽത്താൻ ബത്തേരി നിയോജകമണ്ഡലം കമ്മിറ്റിയുടെ www.gkmccsbyconstituency.com എന്ന ഔദ്യോഗിക വെബ്സൈറ്റ് സന്ദർശിച്ച് അംഗത്വം സാധുവാണോ അല്ലയോ എന്ന് പദ്ധതിയിൽ ചേർന്നിട്ടുള്ള അംഗങ്ങളും അതോടൊപ്പം പ്രസ്തുത ലിസ്റ്റിൽ, അതാത് പഞ്ചായത്ത്‌ / മുൻസിപ്പൽ കമ്മിറ്റികളിലെ അപേക്ഷിച്ച മുഴുവൻ അംഗങ്ങളുടെയും പേര് വിവരങ്ങൾ ഉൾപ്പെട്ടിട്ടുണ്ടോ എന്നത് കീഴ്ഘടകങ്ങളും പരിശോധിച്ച് ഉറപ്പ് വരുത്തേണ്ടതാണ്.
• അധികാരം
  അംഗത്വം സ്വീകരിക്കുന്നതിനും നിരാകരിക്കുന്നതിനുമുള്ള അധികാരം സുരക്ഷാ സമിതിയിൽ നിക്ഷിപ്തമായിരിക്കും
• കാലാവധി
  അംഗത്വ കാലാവധി ഒരു വർഷമാണ്. [ ജൂലൈ 1 മുതൽ തൊട്ടടുത്ത വർഷം ജൂൺ 30 വരെ ] എല്ലാവർഷവും സമിതി നിശ്ചയിക്കുന്ന വാർഷിക സംഭാവന നൽകി അംഗത്വം പുതുക്കാവുന്നതാണ്.
• അംഗത്വം സാധുവാകുന്ന കാലയളവ്
  പുതുതായി പദ്ധതിയിൽ ചേരുന്ന അംഗങ്ങളുടെയും ഇടവിട്ട് പദ്ധതിയിൽ ചേരുന്ന അംഗങ്ങളുടെയും അംഗത്വം ആഗസ്റ്റ് 1ന് ശേഷം മാത്രമേ സാധുവാകുകയുള്ളൂ അംഗത്വം സാധുവാകുന്ന കാലയളവിൽ സംഭവിക്കുന്ന അത്യാഹിതങ്ങൾ മാത്രമേ ആനുകൂല്യങ്ങൾക്കായി പരിഗണിക്കുകയുള്ളൂ.
• പദ്ധതി കാലയളവിലെ വിവിധ ആനുകൂല്യങ്ങൾ :
  
  1) മരണാനന്തര ആനുകൂല്യം
  
  സാധുവായ കാലയളവിൽ പുതുതായി പദ്ധതിയിൽ അംഗത്വം നേടിയ ഒരംഗത്തിന് സ്വദേശത്തോ വിദേശത്തോ വെച്ച് മരണം സംഭവിച്ചാൽ ( ആത്മഹത്യ ഒഴികെ ) പ്രസ്തുത അംഗം അപേക്ഷയിൽ നിർദ്ദേശിക്കപ്പെട്ട നോമിനികൾക്ക് ( അവകാശികൾക്ക് ) 1 ലക്ഷം രൂപയും നടപ്പുവർഷവും നടപ്പുവർഷത്തിന് തൊട്ട് മുമ്പുള്ള 2 വർഷവും അതായത് തുടർച്ചയായി 3 വർഷം പദ്ധതിയിൽ അംഗമായിരിക്കെ മരണം സംഭവിച്ചാൽ അപേക്ഷയിൽ നിർദ്ദേശിക്കപ്പെട്ട നോമിനികൾക്ക് 2 ലക്ഷം രൂപയും പദ്ധതിയിൽ ആരംഭ വർഷം മുതൽ നടപ്പുവർഷം വരെ തുടർച്ചയായി അംഗത്വം നിലനിറുത്തിയ അംഗത്തിന് പദ്ധതി കാലയളവിൽ മരണം സംഭവിക്കുകയാണെങ്കിൽ 3 ലക്ഷം രൂപയും നിയമപരമായ ആശ്രിതർക്ക് മരണാനന്തര ആനുകൂല്യമായി കാരുണ്യ സ്പർശം കുടുംബ സുരക്ഷാ പദ്ധതിയിൽ നിന്ന് നൽകുന്നതാണ്.
  
  ഈ കാലയളവിൽ ചികിത്സാ സഹായം ലഭ്യമായ അംഗം മരണപ്പെടുകയാണെങ്കിൽ പ്രസ്തുത തുക കുറച്ച് മരണാനന്തര ആനുകൂല്യം അതാത് പഞ്ചായത്ത്‌ / മുൻസിപ്പൽ കമ്മിറ്റികൾ മുഖേന അവകാശികൾക്ക് 90 ദിവസത്തിനുള്ളിൽ എത്തിച്ചു നൽകുന്നതാണ്. എന്തെങ്കിലും കാരണവശാൽ അവകാശികളുടെ കാര്യത്തിൽ ഏതെങ്കിലും വിധത്തിലുള്ള തർക്കങ്ങളോ പരാതികളോ ഉണ്ടായാൽ സുരക്ഷാ സമിതിയുടെയും മണ്ഡലം കമ്മിറ്റിയുടെയും തീരുമാനം അന്തിമമായിരിക്കും കോവിഡ് പോലുള്ള മഹാമാരികൾ കാരണമോ മറ്റോ ഏതെങ്കിലും സാഹചര്യത്തിൽ അലംഘനീയമായ വിധി കാരണം മരണ സംഖ്യയിൽ വർദ്ധനവ് വരുകയും ആനുകൂല്യങ്ങൾ നൽകുന്നതിന് മണ്ഡലം കമ്മിറ്റിക്ക് സാമ്പത്തിക ബാധ്യത വരുകയും ചെയ്യുന്ന പക്ഷം പദ്ധതി മെമ്പർമാരിൽ നിന്നും വീണ്ടും സഹായം തേടുന്നതും, അത്തരം സന്ദർഭങ്ങളിൽ അംഗങ്ങൾ സഹകരിക്കേണ്ടതുമാണ്.
  
  2) ചികിത്സാ ആനുകൂല്യങ്ങൾ
  
  അംഗത്വം സാധുവായ കാലയളവിൽ ( പദ്ധതിയിൽ അംഗമായ കാലയളവിൽ ) സംഭവിക്കുന്ന കാൻസർ,സ്ട്രോക്ക്, ഡയാലിസിസ്, മജ്ജ മാറ്റിവെക്കൽ ശസ്ത്രക്രിയ ,ഹൃദയ ബൈപാസ് ശസ്ത്രക്രിയ,ആൻജിയോപ്ലാസ്റ്റി ശസ്ത്രക്രിയ, മേജർ സർജറി എന്നിവ ചികിത്സാ സഹായത്തിന് പരിഗണിക്കുന്നതാണ്. ഇത്തരം സന്ദർഭങ്ങളിൽ മെഡിക്കൽ റിപ്പോർട്ടിന്റെ അടിസ്ഥാനത്തിൽ പരമാവധി 20000 രൂപ വരെ ചികിത്സാ സഹായമായി ഈ സ്കീമിൽ നിന്ന് നൽകുന്നതാണ്.
  
  പദ്ധതിയുടെ ആരംഭം മുതൽ എല്ലാ വർഷങ്ങളിലെയും സ്കീമുകളിൽ തുടർച്ചയായി അംഗത്വം നേടിയ മെമ്പർമാർക്ക് മുകളിൽ സൂചിപ്പിച്ച രോഗങ്ങൾക്ക് പരമാവധി 30000 രൂപ വരെ ഈ പദ്ധതിയിൽ നിന്ന് അനുവദിക്കുന്നതാണ്
  
  കിഡ്നി മാറ്റി വെക്കൽ ശസ്ത്രക്രിയക്ക് വിധേയമായവർ അപകടം മൂലം സ്ഥിരമായി ജോലി ചെയ്യുവാൻ കഴിയാത്ത വിധം അംഗവൈകല്യം സംഭവിച്ചവർ ( Permanent Disability ) എന്നിവർക്ക് മെഡിക്കൽ റിപ്പോർട്ടിന് വിധേയമായി പരമാവധി 50000 രൂപ വരെ പദ്ധതിയിൽ നിന്ന് ചികിത്സാ സഹായമായി നൽകുന്നതാണ് ബില്ലുകൾ സമർപ്പിക്കുവാൻ കഴിയാത്ത ആൻജിയോ പ്ലാസ്റ്റി ചികിത്സക്ക് മെഡിക്കൽ സമ്മറിയുടെ അടിസ്ഥാനത്തിൽ 5000 രൂപ നൽകുന്നതാണ് പദ്ധതിയിൽ അംഗമാകുന്നതിന് മുമ്പ് സംഭവിച്ചിട്ടുള്ള രോഗങ്ങൾക്കും മറ്റും ഒരു കാരണവശാലും ആനുകൂല്യങ്ങൾ ലഭിക്കുകയില്ല. ഒരേ രോഗത്തിന് എത്ര വർഷം അംഗമായിരുന്നാലും ശരി ഒരിക്കൽ മാത്രമേ ചികിത്സാ സഹായം അനുവദിക്കൂ. അതാത് പഞ്ചായത്ത്‌ / മുൻസിപ്പൽ കമ്മിറ്റികൾ മുഖേനെ മെഡിക്കൽ റിപ്പോർട്ടുകളും അനുബന്ധ രേഖകളും സമർപ്പിച്ചുകഴിഞ്ഞാൽ പരമാവധി 60 ദിവസത്തിനുള്ളിൽ ചികിത്സാ സഹായം നൽകുന്നതാണ്.
• സഹായത്തിനുള്ള അപേക്ഷയോടൊപ്പം സമർപ്പിക്കേണ്ട രേഖകൾ :
  
  ചികിത്സാ ആനുകൂല്യങ്ങൾക്കുള്ള അപേക്ഷയോടൊപ്പം അസുഖ വിവരവും ആശുപത്രി പ്രൊസീജറുകളും ഉൾപ്പെടുന്ന ആശുപത്രിയിൽ നിന്നും ഡിസ്‌ചാർജ് ചെയ്യുമ്പോൾ ലഭിക്കുന്ന
  
  DISCHARGE SUMMARY REPORT
  DISCHARGE BILL
  MEDICAL BILL
  
  തുടങ്ങിയ രോഗിയുമായി ബന്ധപ്പെട്ട വിവരങ്ങളും സുരക്ഷാ സമിതി ആവശ്യപ്പെടുന്ന ആധാർ, പാസ്പോർട്ട്‌, സുരക്ഷാ പദ്ധതിയുടെ അംഗത്വ കാർഡ് എന്നിവയുടെ കോപ്പിയും അനുബന്ധ രേഖകളും അതാത് പഞ്ചായത്ത്‌ / മുൻസിപ്പൽ കമ്മിറ്റികൾ മുഖേനെ സമർപ്പിക്കേണ്ടതാണ്.
  
  ആനുകൂല്യങ്ങൾ അനുവദിക്കുന്നതിനും ആവശ്യമായ മാറ്റ തിരുത്തലുകൾ വരുത്തുന്നതിനുമുള്ള അധികാരം പദ്ധതിയിൽ നിന്നുള്ള ആനുകൂല്യങ്ങൾ അനുവദിക്കുന്നതിനും അത്യാവശ്യ സന്ദർഭങ്ങളിൽ ആനുകൂല്യങ്ങളിലും മറ്റും ആവശ്യമായ മാറ്റ തിരുത്തലുകൾ വരുത്തുന്നതിനുമുള്ള അധികാരം പദ്ധതിയുമായി ബന്ധപ്പെട്ട സമിതിക്കാണ് .
• അനുബന്ധ മാർഗ്ഗ നിർദ്ദേശങ്ങൾ
  പദ്ധതിയുടെ നിയമാവലിയും ,അപ്ഡേറ്റ് ചെയ്യുന്ന വിവരങ്ങളും മറ്റും സമിതി യോഗത്തിന് ശേഷം യഥാ സമയം അംഗങ്ങളെ അറിയിക്കുന്നതിന് പഞ്ചായത്ത്‌ / മുൻസിപ്പൽ കമ്മിറ്റികൾക്ക് മണ്ഡലം കമ്മിറ്റി മുഖേനെ സർക്കുലർ നൽകുന്നതാണ്.
• അന്തിമ തീർപ്പ് കൽപ്പിക്കൽ
  സുപ്രധാനമായ വിഷയങ്ങളിൽ അന്തിമ തീർപ്പ് കൽപ്പിക്കുവാനുള്ള അവകാശം GLOBAL KMCC സുൽത്താൻ ബത്തേരി നിയോജകമണ്ഡലം കമ്മിറ്റിയിൽ നിക്ഷിപ്തമാണ്.

GLOBAL KMCC SULTHAN BATHERY CONSTITUENCY COMMITTEE

Contact : +966 572979826

Contact : +91 7356978111